Զատկի գիշերը մետրոն կաշխատի ժամը 00:00-ից մինչև 04:00-ն,- այս մասին հայտարարել է Թբիլիսիի քաղաքապետ Կախա Կալաձեն մայրաքաղաքի կառավարության նիստում և խոսել տոնական օրերին քաղաքային տրանսպորտի շարժի մասին։

Մայրաքաղաքի քաղաքապետը նշել է նաև այն ավտոբուսների երթուղիները, որոնք ապրիլի 24-ին և 25-ին ժամը 08:00-20:00-ն անվճար կսպասարկեն քաղաքացիներին Թբիլիսիի գերեզմանատների ուղղությամբ։

«Մոտենում է Սուրբ Զատիկը, և ես ուզում եմ բնակչությանը տեղեկացնել ապրիլի 23-ին, 24-ին և 25-ի երթևեկության մասին։ Զատկի գիշերը մետրոն կաշխատի մինչև ժամը 04.00-ն, քանի որ շատ մարդիկ գնում են եկեղեցի, հաճախում են պատարագներ և ամեն ինչ ուշ ավարտում: Մենք հոգացել ենք բնակչության մասին և ամեն կերպ ապահովվելու է հասարակական տրանսպորտը։ Մասնավորապես, մետրոն կաշխատի ապրիլի 24-ին՝ ժամը 00:00-04:00-ն։ Բացի այդ, ապրիլի 24-ին և 25-ին, ժամը 08:00-20:00-ն Թբիլիսիի գերեզմանատների ուղղությամբ ավտոբուսները անվճար կշարժվեն»,- ասել է Թբիլիսիի քաղաքապետը։

Նրա խոսքով, մունիցիպալ տրանսպորտը մետրոյի «Դիդուբե» կայարանից ուղևորներ կվերցնի Մուխաթգվերդի և Վաշլիջվարի գերեզմանատների ուղղությամբ։

«Մունիցիպալ տրանսպորտը դեպի հին ու նոր Կուկիա գերեզմանատներ ուղևորներ կբերի կայարանից և Կոտե Մարջանիշվիլիի հրապարակներից։ Նաև դեպի Սաբուրթալո քաղաքային գերեզմանատուն – մետրոյի «Դելիսի» կայարանից. Դեպի Ղրմաղելի քաղաքային գերեզմանատուն – Սարաջիշվիլի մետրոյի կայարանից. Վերեյի գերեզմանատուն մեկնող ավտոբուսը կկանգնի Բեսարիոն Ճիճինաձեի փողոցի 25-րդ շենքի մոտ, իսկ Վարկեթիլի քաղաքային գերեզմանատան ավտոբուսը կշարժվի մետրոյի «Վարկեթիլի» կայարանից և Շուամթա փողոցից»,- ասել է Կալաձեն։