Սոֆիայում ընթացող ձյուդոյի Եվրոպայի առաջնությունում երեք վրացի մարզիկներ շարունակում են պայքարը մեդալների համար։ Երիտասարդ Իլիա Սուլամանիձեն (+100) հիասթափեցրեց իր երկրպագուներին՝ նա պարտվեց իր առաջին հանդիպումը ադրբեջանցի Էլմար Գասիմովի հետ և հրաժեշտ տվեց մրցույթին։

Նույն քաշային Վառլամ Լիպարտելանին րոպեներ անց կանցկացնի առաջին դիմակայությունը։ Քիչ առաջ մրցաշարը հաջող սկսեցին Լուկա Մաիսուրաձեն (90 կգ) և Գուրամ Թուշիշվիլին (+100)։ Լուկան Վազարիով հաղթեց էստոնացի Լեն Քրիստոֆեր Կալիուլայդիսին, Թուշիշվիլին մի փոքր ծանր մեկնարկեց, վրացին լրացուցիչ ժամանակում հաղթեց գերմանացի Լոսեն Կոնեին։ Մաիսուրաձեն մեկ ութերորդ եզրափակիչում է, Գուրամը գոտեմարտում է կիսաեզրափակիչ դուրս գալու համար։

Հիշեցնենք, որ մայրցամաքային առաջնության մեկնարկից երկու օր անց Վրաստանի հավաքականն ունի մեկ ոսկե և մեկ բրոնզե մեդալ։ 81 կգ քաշային Տատո Գրիգալաշվիլին դարձել է Եվրոպայի չեմպիոն, իսկ Էթեր Լիպարտելանին (57 կգ)՝ զբաղեցրել է երրորդ տեղը։

Եզրափակիչ բլոկի հեռարձակումը կներկայացնի Վրաստանի Առաջին ալիքը։ Այսօր ուղիղ հեռարձակումը կմեկնարկի Թբիլիսիի ժամանակով 17:00-ին։