Եվրոպայի խորհրդի խորհրդարանական վեհաժողովում Վրաստանի խորհրդարանի մշտական պատվիրակության ղեկավար, կրթության, գիտության և երիտասարդության հարցերի հանձնաժողովի նախագահ Գիվի Միքանաձեն հանդիպել է Եվրոպայի խորհրդի գլխավոր քարտուղար Ալան Բերսեի հետ։
Գիվի Միքանաձեն շնորհավորել է Ալան Բերսեին Եվրոպայի խորհրդի գլխավոր քարտուղարի պաշտոնում ընտրվելու կապակցությամբ և հաջողություն մաղթել հետագա գործունեության մեջ։
Գիվի Միքանաձեն գլխավոր քարտուղարին հայտնել է վրացական կողմի պատրաստակամությունը ակտիվորեն շարունակել համագործակցությունը Եվրոպայի խորհրդի հետ, ինչը դրական է գնահատվել գլխավոր քարտուղարի կողմից։
Հանդիպմանը մասնակցել է ԵԽ-ում Վրաստանի մշտական ներկայացուցչության ղեկավար Թամար Թալիաշվիլին։
Տեղեկությունը տարածում է Վրաստանի խորհրդարանի մամուլի ծառայությունը։