Վրաստանի կառավարությունը և Թբիլիսիի քաղաքապետարանը սկսում են ստորգետնյա  մետրոյի նախագծի զարգացումը: Այս մասին հայտնի է դարձել «կանաչ քաղաքականություն» ռազմավարական ծրագրի վավերացման առաջին փուլի՝ «կանաչ քաղաքականություն-էկոտրանսպորտ» նախագծի շնորհանդեսի ժամանակ:

Նախագծի համաձայն, մետրոն սկզբնական շրջանում Սամգորիի մետրոկայանը կապելու է Լիլոյի շուկան և օդանավակայանը: Շինարարական աշխատանքները սկսվելու են 2019 թվականի վերջին: Տեղի է ունենալու Սամգորի մետրոկայանի վերանորոգում և նոր գծի շինարարություն:

Սամգորի-Լիլոյի շուկա, Սամգորի-օդանավակայան գծերի վրա երթևեկելու է 6 գնացք, սպասման ժամանակը 10 րոպե: 2021 թվականից մինչև 2022-ը գործի է դրվելու 7 նոր մետրոկայան:

Մետրոյի զարգացման ծրագրով նախատեսվում է նաև ստորգետնյա ճանապարհով միմյանց կապել Թբիլիսին և Ռուսթավին:

Նախագծի առաջին փուլում, Սամգորի-Լիլոյի շուկա գծի վրա ծախսվելու է 90 մլն. ԱՄՆ դոլար: