Պետական անվտանգության ծառայությունում ստորագրել եմ գաղտնիությունը պահելու մասին փաստաթուղթ, որ ոչ մի փաստարկ, ոչ մի փաստաթուղթ և տեսագրություն չի հանրայնացվի և փոխանցվի երրորդ անձին, ինչպես նաև նախադատական նիստի ամսաթվի ժամկետը երկարաձգել ենք,- այս մասին հայտարարել է փաստաբան Մարիամ Կուբլաշվիլին՝ #8 պատժակատարողական հաստատություն մտնելուց առաջ, որտեղ Կուբլաշվիլին հանդիպում է իր պաշտպանյալ Ռուսլան Ալդամովին, ում ձերբակալել են Պանկիսիի հատուկ գործողության ժամանակ:
Ինչպես նշել է Կուբլաշվիլին, ՊԱԾ-ի կողմից երեկ տարածված տեսագրության իսկությունը դեռևս հաստատված չէ, ուստի այս գործով նախնական գնահատականներ տալը՝ անմեղության կանխավարկածի խախտում է:
Ինչպես նշել է փաստաբանը, իր պաշտպանյալի հետ զրուցել է ՊԱԾ-ի կողմից երեկ տարածված տեսանյութի մասին, սակայն մեղադրյալի շահերից ելնելով, մանրամասների մասին չի կարող խոսել:
