«SpaceX-ը ողջունում է Վրաստանի կառավարության աջակցությունը Starlilnk-ին ավտորիզացիա տրամադրելու հարցում, որից հետո ընկերությունը Վրաստանում անհատներին և ձեռնարկություններին կտրամադրի բարձրորակ արբանյակային լայնաշերտ ինտերնետ»-, ասել է Starlink-ի բիզնես գործառնությունների փոխնախագահ Չադ Գիբը :

Starlink-ի բիզնես գործառնությունների գծով փոխնախագահի խոսքով՝ ընկերությունն անհամբեր սպասում է 2023 թվականին առաջին ծառայությունների մատուցման մեկնարկին ամբողջ երկրում։

Ըստ էկոնոմիկայի նախարարության՝ այսօր փոխվարչապետ, էկոնոմիկայի և կայուն զարգացման նախարար Լևան Դավիթաշվիլին հանդիպել է SpaceX ընկերության շուկա մուտք գործելու տարածաշրջանային տնօրեն Բեն Մակ Ուիլյամսի հետ՝ կապված Վրաստանում Starlilnk-ի գործունեության մեկնարկի հետ։ Հանդիպմանը կողմերը քննարկել են Վրաստանում Starlink-ի գործարկման հարցերը և իրականացվելիք ծրագրերը։ Մասնավորապես, SpaceX-ը Վրաստանում ապահովում է գերարագ լայնաշերտ ինտերնետ Starlink արբանյակային համակարգերով: SpaceX-ի Starlink նախագիծը, ընկերությունը հիմնադրել է Իլոն Մասքը, գլոբալ արբանյակային համակարգ է, որի նպատակն է ապահովել գերարագ ինտերնետ ցանկացած վայրում, ներառյալ անհասանելի լեռնային բնակավայրերում :Նա իր հետաքրքրությունն է հայտնել Starlink նախագիծը Վրաստան մտնելու և սկսելու վերաբերյալ անցյալ տարի, երբ հանդիպեց Վրաստանի էկոնոմիկայի և կայուն զարգացման փոխնախարար Իրակլի Նադարեիշվիլիին և Նորարարությունների և տեխնոլոգիաների գործակալության նախագահ Ավթանդիլ Կասրաձեին։ Հենց հիշյալ հանդիպումից հետո ընկերությունը հայտնեց իր հետաքրքրությունը Վրաստանի՝ ինտերնետացման գործընթացում ներգրավվելու վերաբերյալ և Վրաստանը համարվում էր տարածաշրջանի առաջին փորձնական երկրներից մեկը, որտեղ SpaceX-ը արբանյակային ինտերնետ կտրամադրի բնակչությանը։

Լոս Անջելեսում կայացած հանդիպման արդյունքում ակտիվ համագործակցության արդյունքում վերջերս ավարտվեց Վրաստանում SpaceX-ի Starlink նախագծի գրանցման և թույլտվության գործընթացը։ Առաջին փուլում Starlink ինտերնետը կտրամադրվի Ինովացիոն և տեխնոլոգիական գործակալության բոլոր տեխնոպարկերին ողջ Վրաստանի տարածքում։