Սպիտակ տան խոսնակ Յան Սամսը ասում է, որ Ներկայացուցիչների պալատի հանրապետականները ինը ամիս հետաքննել են նախագահ Ջո Բայդենի գործունեությունը և նրա անօրինական գործունեության ապացույցներ չեն գտել։

Սպիտակ տան խոսնակը մեկնաբանել է Ներկայացուցիչների պալատի նախագահ, հանրապետական ​​Քևին Մաքքարթիի հայտարարությունը, ով պատրաստվում է հետաքննություն սկսել Ջո Բայդենի իմփիչմենթի հարցով։

Յան Սամսը նաև ասել է, որ Մաքքարթին հայտարարել էր բաց իմպիչմենտի օգտին քվեարկելու մասին, սակայն այժմ փոխել է որոշումը, քանի որ աջակցություն չունի։

Տեղեկության համար՝ ավելի վաղ հաղորդվում էր, որ ԱՄՆ Կոնգրեսի Ներկայացուցիչների պալատը պաշտոնական հետաքննություն է սկսելու նախագահ Ջո Բայդենի իմփիչմենթի գործով։ Մաքքարթիի խոսքով՝ հետաքննությունը կկենտրոնանա Միացյալ Նահանգների նախագահի դեմ «իշխանությունը չարաշահելու, խոչընդոտելու և կոռուպցիայի մասին մեղադրանքների վրա»։