Սպիտակ տանը ընթանում է ԱՄՆ նախագահ Ջո Բայդենի և Իսրայելի վարչապետ Բենիամին Նեթանյահուի հանդիպումը։ Հանդիպումից առաջ Բենիամին Նեթանյահուն շնորհակալություն է հայտնել Ջո Բայդենին Իսրայելին ցուցաբերած աջակցության համար։

«Պարոն նախագահ, մենք իրար ճանաչում ենք 40 տարի, դուք գիտեք բոլոր վարչապետներին, ովքեր այնտեղ են եղել 50 տարի։ Ուզում եմ շնորհակալություն հայտնել ձեզ 50 տարվա պետական ​​ծառայության և Իսրայել պետությանը 50 տարվա աջակցության համար»,- դիմել է Բենյամին Նեթանյահուն Ջո Բայդենին։

Նեթանյահուն, սակայն, նշել է, որ ակնկալում է շարունակել աշխատել Ջո Բայդենի հետ առաջիկա մի քանի ամիսների ընթացքում։

Մյուս կողմից Ջո Բայդենն ասել է, որ առաջնորդները խոսելու շատ բան ունեն։

Ավելի ուշ Իսրայելի վարչապետը կհանդիպի փոխնախագահ Քամալա Հարիսին, իսկ հուլիսի 26-ին Նեթանյահուն բանակցություններ կվարի ԱՄՆ նախկին նախագահ Դոնալդ Թրամփի հետ։