Վրաստանի արտաքին քաղաքականությունը պաշտպանելու լծակները, հնարավորությունը նրա արևմտյան ընկերներն են, նրանց աջակցությունը և վրաց ժողովրդի անսասան կամքը, որ մենք պետք է լինենք եվրոպական և եվրատլանտյան ընտանիքի անդամ,- ասել է տարածաշրջանային քաղաքականության և ինքնակառավարման կոմիտեի նախագահ Սոզար Սուբարին։

Սոզար Սուբարին պատասխանել է հաղորդման վարողի այն հարցին, թե Վրաստանն ի՞նչ լծակներ ունի իր արտաքին քաղաքականությունը պաշտպանելու համար, մինչդեռ Ռուսաստանն արդեն պաշտոնապես պահանջել է հետ կանչել Բուխարեստի գագաթնաժողովի որոշումը։

«Մենք պետք է լինենք եվրոպական եւ եվրատլանտյան դաշինքների անդամ։ Ենթադրվում է ԵՄ-ն և ՆԱՏՕ-ն։ Ինչ վերաբերում է Ռուսաստանի այս տարօրինակ և ոչ ադեկվատ հայտարարությանը, ապա դրան արդեն պատասխանել են ՆԱՏՕ-ի գլխավոր քարտուղարը, ինչպես նաև Գերմանիայի նոր կանցլերը»,- ասել է Սոզար Սուբարին։