Սոլսբերիում նախկին կրկնակի գործակալի թունավորման հետ կապված է Ռուսաստանը. G7
Մեծ յոթնյակի երկրները կոչ են արել Ռուսաստանին, պատասխանել նախկին կրկնակի գործակալի թունավորման շուրջ առաջացած հարցերին:
Բացի այդ, G7 երկրները աջակցում են Մեծ Բրիտանիայի դիրքորոշմանը, որ Սոլսբերիում Սերգեյ Սկրիպալի թունավորման հետ կապված է Ռուսաստանը:
«Մենք դատապարտում ենք Ռուսաստանի մերժումը, պատասխանել Բրիտանիայի կառավարության օրինական հարցերին, որը մեկ անգամ ընդգծում է, որ միջադեպի համար պատասխանատու է Ռուսաստանը»,- ասված է G7-ի հայտարարության մեջ:
Մեծ յոթնյակի անդամ երկրները պահանջում են, որ Ռուսաստանը «քիմիական զենքի արգելքի» կազմակերպության ներկայացուցիչներին լրատվություն փոխանցի, նյարդապարալիտիկ «Նովիչոկ» թույնի ծրագրի մասին, որը պահվում է Ռուսաստանում:
«Ռուսաստանում ստեղծված ռազմական թույնով հարձակումը առաջինն էր Եվրոպայում, երկրորդ համաշխարհային պատերազմից հետո: Սա վտանգ է ստեղծում, ոչ միայն Մեծ Բրիտանիայի, այլ մեր ընդհանուր անվտանգությանը: Սա հարձակում է Մեծ Բրիտանիայի ինքնիշխանության վրա և մեզ բոլորիս համար ստեղծում է մեծ վտանգ»,-ասված է հայտարարությունում:
Հայտարարության մեջ ասված է նաև, որ մեծ յոթնյակը շարունակում է բանակցությունները Ռուսաստանի հետ, որպեսզի վերջինս վերադառնա օրենքներին հիմնված միջազգային համակարգի չափանիշներին: Բացի այդ, G7-ի անդամները շարունակում են ուժեղացնել «հիբրիդային վտանգների» դեմ անվտանգության նորմերը:
Հեղինակ -
Edgar Barsegyan