Սոցիալական ծառայության գործակալության աշխատակիցները բողոքի ցույց են անցկացրել Բաթումիում։ Նրանք գնացել են Աջարիայի առողջապահության նախարարություն և նախարարի հետ հանդիպում խնդրել։ Գործակալության աշխատակիցներն ասում են, որ իրենց վարձատրության վերաբերյալ ստացած առաջարկը բավարար չէ։ Նրանք պահանջում են աշխատավարձերի 100 տոկոսով բարձրացում, բժշկական ապահովագրություն և տրանսպորտի հատկացում ծառայողական պարտականությունների համար։

«Միգուցե անիրատեսական թվա, որ աշխատավարձի 100 տոկոսով բարձրացում ենք պահանջում, բայց նույնիսկ այս դեպքում մեր աշխատավարձը կհասնի առավելագույնը 600-700 լարիի, և ինքներդ կարող եք դատել, թե որքան է դա բավարար։ Գործադուլ ենք անում բոլոր աշխատակիցները: Այսպես շարունակել հնարավոր չէ»,- ասաց գործակալության աշխատակիցներից մեկը։

Բաթումիի հանրահավաքին պետք է միանային Փոթիի և Գուրիայի շրջանների գործակալության աշխատակիցները, սակայն վատ եղանակի պատճառով նրանք չեն կարողացել ժամանել Բաթումի։