Սննդի ազգային գործակալությունը կասեցրել է Թբիլիսիի ինը սննդի օբյեկտների արտադրական գործընթացը

Սննդի ազգային գործակալության տեղեկացմամբ՝ Թբիլիսիի դեպարտամենտի տեսուչները մայրաքաղաքում ստուգումներ են իրականացրել հանրային սննդի օբյեկտներում։

Նրանց տեղեկացմամբ՝ պետական վերահսկողության շրջանակում ստուգում է անցկացվել մոտ 20 օբյեկտում, որոնցից 9-ում հայտնաբերվել են կրիտիկական անհամապատասխանություններ, ինչի պատճառով բիզնես օպերատորները տուգանվել են, իսկ արտադրական գործընթացը կասեցվել է։

Կրիտիկական անհամապատասխանություններ են հայտնաբերվել հետևյալ սուբյեկտներում՝

ՍՊԸ «Կոսմո ինք», բրենդային անվանումը՝ Fire wok (ս/կ 402029185, հասցե՝ ք. Թբիլիսի, Դադիանիի 20),

Անհատ ձեռնարկատեր Հ. Ս. (հասցե՝ Գյուլի Ճոխոնելիձեի փողոց N16),

ՍՊԸ «Միաո Ջիա» (հասցե՝ Տաբուկաշվիլիի փողոց 6),

ՍՊԸ «Յոմի 1977» (ս/կ 404747716, հասցե՝ Գամրեկելի 3),

Անհատ ձեռնարկատեր Դ. Ք. (արագ սննդի օբյեկտ՝ բրենդային անվանումը Evil wok, հասցե՝ ք. Թբիլիսի, Դիղոմիի զանգված, III թաղամաս, 35-րդ կորպուս, մ/տ),

ՍՊԸ «Ռ Ն Ա Էնթըրպրայսի» (հասցե՝ Շ. Նուցուբիձեի 2),

ՍՊԸ «Ալ Մադինա Քեյվ» (հասցե՝ Տետելաշվիլիի փողոց 2),

ՍՊԸ «Յոկո Ազիա» (կաֆե-բար ռեստորան, ս/կ 405727129, հասցե՝ Ճավճավաձեի փ. N19),

ՍՊԸ «Ֆլեմ Քաթերինգ Մենեջմենթ», չինական ռեստորան «Բամբու» (ս/կ 405649794, հասցե՝ ք. Թբիլիսի, Բուդապեշտի 32)։

Վերահսկողության արդյունքում, բացի կրիտիկական անհամապատասխանություններից, հայտնաբերվել են նաև պիտակավորման կանոնների խախտումներ, տնտեսական գործունեության ռեեստրում գրանցման և գործակալության կողմից տրված պարտադիր ճանաչման բացակայությամբ գործունեության փաստեր, ժամկետանց սննդամթերք և հետագծելիության կանոնների խախտումներ։ Նշված անհամապատասխանությունների համար բիզնես օպերատորները տուգանվել են օրենսդրությանը համապատասխան և ստացել են հանձնարարականներ։

Սննդի ազգային գործակալությունը պետական վերահսկողություն է իրականացնում ամբողջ Վրաստանի տարածքում ամենօրյա ռեժիմով։ Հայտնաբերված խախտումների վերաբերյալ տեղեկատվությունը անհապաղ տրամադրվում է հասարակությանը», – ասված է Սննդի ազգային գործակալության տարածած տեղեկատվության մեջ։