Սննդի ազգային գործակալություն. Մարզերում «դռնեդուռ» սկզբունքով սկսվել է տեր ունեցող շների անվճար չիպավորումն ու պատվաստումը
Մարզերում «տուն առ տուն» սկզբունքով սկսվել է տեր ունեցող շների անվճար չիպավորումն ու պատվաստումը․ տեղեկությունը տարածում է Սննդի ազգային գործակալությունը։
Նրանց փոխանցմամբ՝ Սննդի ազգային գործակալության անասնաբույժները մարզերում «տուն առ տուն» սկզբունքով իրականացնում են տեր ունեցող շների անվճար նույնականացում (չիպավորում) և կատաղության դեմ պատվաստում։ Զուգահեռաբար ընթանում են տեղեկատվական հանդիպումներ բնակչության հետ։
Սննդի ազգային գործակալության պետի տեղակալ Ալեքսանդրե Զուրաբիշվիլին Գուրջաանիի համայնքապետարանում ծանոթացել է տեր ունեցող շների չիպավորման գործընթացին և նշել, որ գործընթացն ընդգրկում է բոլոր մարզերը, ինչը կապահովի կենդանիներին փողոցում լքելու կանխարգելումը։
Մարզերում տեր ունեցող շների չիպավորումը, պատվաստումն ու ամլացումն իրականացվում են անվճար։
Անասնաբուժական գործողություններն իրականացվում են ինչպես ստացիոնար, այնպես էլ շարժական կլինիկաներում և դաշտային պայմաններում, ինչն իրականացնում են մրցույթով հաղթած մասնավոր անասնաբուժական հաստատությունները։ Սննդի ազգային գործակալության անասնաբույժները մշտապես հետևում են գործընթացին, որպեսզի ընթացակարգերն իրականացվեն չափանիշների լիարժեք պահպանմամբ։
Գերպոպուլյացիայի կառավարման ծրագիրը նախատեսում է ինչպես անօթևան և խնամվող, այնպես էլ տեր ունեցող շների նույնականացում-գրանցում, պատվաստում և ամլացում-կաստրացիա, ինչը նպաստելու է կենդանիների հիվանդությունների տարածման նվազեցմանը, կենդանիների բարեկեցության բարելավմանն ու հասարակության համար անվտանգ միջավայրի ստեղծմանը։
Ծրագրի առավելագույն հասանելիությունն ապահովելու նպատակով միջոցառումների անցկացման ժամանակացույցը նախապես հրապարակվում է Դիմատետրյան հարթակում։ Ինչպես նաև կենդանիների տերերն ու շահագրգիռ անձինք կարող են դիմել տեղական համայնքապետարաններին։