Սլովակիայի քաղաքացիները հանրահավաքի ժամանակ բողոքել են վարչապետ Ռոբերտ Ֆիցոյի՝ արտասահմանում գտնվող Սլովակիայի քաղաքացիներին փոստով քվեարկելն արգելելու նախաձեռնության դեմ, հաղորդում է Associated Press-ը։

Լրատվամիջոցների հաղորդագրությունների համաձայն, Բրատիսլավայում և Սլովակիայի այլ քաղաքներում անցկացվել են բազմաթիվ ցույցեր ընտրական օրենսդրության փոփոխությունների դեմ։

Ընդդիմությունը պնդում է, որ Սլովակիայի կառավարության նախաձեռնությունը նպատակ ունի բարդացնել արտասահմանում բնակվող եվրոպամետ քաղաքացիների փոստով քվեարկելու գործընթացը։

Ի պատասխան՝ Սլովակիայի կառավարությունը հայտարարում է, որ փոստով քվեարկության վերացումը նպատակ ունի կանխել ընտրակեղծիքները և մանիպուլյացիաները։

Եթե Ռոբերտ Ֆիցոյի նախաձեռնությունը հաստատվի, արտասահմանում գտնվող Սլովակիայի քաղաքացիները կկարողանան քվեարկել միայն արտասահմանում գտնվող Սլովակիայի դիվանագիտական ​​առաքելություններում։

Տեղեկության համար՝ 2023 թվականի խորհրդարանական ընտրություններում փոստով քվեարկել է 59,000 Սլովակիայի քաղաքացի, որտեղից 80% ձայները տրվել է ընդդիմադիր կուսակցություններին։