Սլովակիայի իշխանությունը Ուկրաինայում կռվող վրացական լեգեոնի հրամանատար Մամուկա Մամուլաշվիլիին մեղադրում է երկրում հեղաշրջման հնարավոր փորձի մեջ

Սլովակիայի իշխանությունը Ուկրաինայում կռվող վրացական լեգեոնի հրամանատար Մամուկա Մամուլաշվիլիին մեղադրում է երկրում հեղաշրջման հնարավոր փորձի մեջ և արգելել է նրա մուտքը երկիր։

Սլովակիայի ներքին գործերի նախարար Մատուս Շուտայ Էշտոկը հայտնել է, որ ևս 10 մարդու մուտքն արգելվել է Սլովակիա, և նրանց թիվը կարող է աճել։

Լրատվամիջոցների տեղեկություններով՝ Սլովակիայի վարչապետ Ռոբերտ Փիցոն ՆԳ նախարարի հետ համատեղ ասուլիսում ցուցադրել է լուսանկար, որտեղ ցուցադրված են Մամուկա Մամուլաշվիլին, «Նախաձեռնություն Ուկրաինայի համար» ներկայացուցիչ Լյուսի Շտասելովան և սլովակական Denník N մեկնաբան Մարտին Մ. Շիմեչկան:

Սլովակիայի տեղեկատվական ծառայության (SIS) տնօրեն Պավել Գասպարի խոսքով՝ հետախուզական ծառայությունը հաստատել է «վրացական լեգեոնի» անձնական և տնտեսական կապերը հանրային հատվածի և ընդդիմության հետ։ Նա չի հստակեցրել, թե ինչ կապերի մասին է խոսքը։

Այսօր արդեն կարելի է խոսել այնպիսի հանցագործությունների կատարման կասկածների մասին, ինչպիսին է սուբսիդավորման խարդախությունը»,- ասաց Պավել Գասպարը։