Sky News-ը հաղորդում է, որ Մեծ Բրիտանիան սկսում է անօդաչու թռչող սարքերի զանգվածային արտադրություն՝ Ուկրաինային օգնելու համար պայքարել ռուսական օդային հարձակումների դեմ։

Հրապարակման համաձայն՝ սա տեխնոլոգիաների փոխանակման շրջանակներում առաջին նախաձեռնությունն է Լոնդոնի և Կիևի միջև արդյունաբերական համաձայնագրի կնքումից հետո։

Մեծ Բրիտանիայի այս նախաձեռնությունը կապված է Ուկրաինայի ռմբակոծության ժամանակ Լեհաստանի օդային տարածքի խախտման հետ։

Sky News-ի համաձայն՝ սա առաջին դեպքն էր, երբ ՆԱՏՕ-ի անդամ երկիրը կրակոց արձակեց Ուկրաինայում ընթացող պատերազմի ժամանակ, ինչը ստեղծեց հակամարտության սրման վտանգ։

Մեծ Բրիտանիան հայտարարել է, որ փորձում է ամրապնդել Լեհաստանի օդային պաշտպանությունը։

Տեղեկատվության համար՝ երկու երկրների միջև համաձայնագիրը, որը նախատեսում է մտավոր սեփականության համատեղ մշակում և փոխանակում, ստորագրվել է անցյալ շաբաթ։