Sky News. Դոնալդ Թրամփը հայտարարում է, որ Վոլոդիմիր Զելենսկուն կհրավիրի Սպիտակ տուն
ԱՄՆ նախագահ Դոնալդ Թրամփը հայտարարում է, որ Ուկրաինայի նախագահ Վոլոդիմիր Զելենսկուն կհրավիրի Սպիտակ տուն։ Այս մասին գրում է «Sky News»-ը։
ԱՄՆ նախագահը արձագանքել է Ուկրաինայի համաձայնությանը 30-օրյա հրադադարի առաջարկի վերաբերյալ։
«Մենք ցանկանում ենք, որ պատերազմը Ուկրաինայում ավարտվի», – նշել է Թրամփը։
Միաժամանակ, ԱՄՆ նախագահի խոսքով, Միացյալ Նահանգները հանդիպում կունենա Ռուսաստանի հետ այսօր կամ վաղը։
Սաուդյան Արաբիայում կայացած բանակցություններից հետո հրապարակվեց Ուկրաինայի և ԱՄՆ-ի պատվիրակությունների համատեղ հայտարարությունը, համաձայն որի՝ Ուկրաինան պատրաստ է 30-օրյա կրակի դադարի, իսկ ԱՄՆ-ը կվերսկսի հետախուզական տվյալների փոխանակումն ու Ուկրաինային ռազմական օգնություն ցուցաբերելը։