Սիրիայում բռնազավթված Աբխազիայի այսպես կոչված դեսպանատան բացումը ներկայացնում է անօրինական որոշումների շարունակություն, որը Ասադի ռեժիմը Ռուսաստանի ճնշման արդյունքում ընդունել է 2018 թվականին. Վրաստանի արտգործնախարարություն
Սիրիայում բռնազավթված Աբխազիայի այսպես կոչված դեսպանատան բացումը ներկայացնում է անօրինական որոշումների շարունակություն, որը Ասադի ռեժիմը Ռուսաստանի ճնշման արդյունքում ընդունել է 2018 թվականին, այդպիսով կոպիտ խախտելով միջազգային իրավունքի հիմնարար նորմերն ու սկզբունքները,- այս մասին ասված է Վրաստանի արտաքին գործերի նախարարության հաղորդագրության մեջ:
Ինչպես նշված է մամուլի և տեղեկատվության վարչության մեկնաբանությունում, այս անօրինական որոշումից հետո Վրաստանը Սիրիայի արաբական հանրապետության հետ խզել է դիվանագիտական հարաբերությունները:
«Ամբողջ միջազգային հանրությունը, եվրոպական առաջատար երկրները, Միացյալ Նահանգները և միջազգային կազմակերպությունները խստորեն դատապարտել են Ասադի ռեժիմի անօրինական որոշումը, Սոխումիում և Ցխինվալում Ռուսաստանի բռնազավթիչ ռեժիմների հետ այսպես կոչված դիվանագիտական հարաբերությունների հաստատման մասին: Այս անօրինական որոշումը դատապարտել են նաև Սիրիայի ընդիմադիր ուժերը, որոնք բազմիցս հանդես են եկել դատապարտող հայտարարություններով, միևնույն ժամանակ միանշանակ աջակցել են Վրաստանի տարածքային ամբողջականությանը ՝ նրա միջազգայնորեն ճանաչված սահմաններում: Այնուամենայնիվ, մենք համոզված ենք, որ մի օր, երբ Սիրիայում կավարտվի ներկայիս անօրինական ռեժիմի գոյությունը և երկիրը կկանգնի ժողովրդավարական զարգացման ուղղու վրա, այս անօրինական որոշումը կվերանայվի և Սիրիան կվերադառնա միջազգային իրավունքի և տարածքային ամբողջականության սկզբունքների վրա հիմնված միջազգային իրավունքի շրջանակին», – հայտարարում են Վրաստանի արտաքին գործերի նախարարությունում:
