Սիրիայի վրա ռազմական հարձակման հարցով դեռ վերջնական որոշումը չի կայացվել. Սպիտակ տուն
ԱՄՆ նախագահ Դոնալդ Թրամփը դեռ չի կողմնորոշվել Սիրիայում ենթադրյալ «քիմիական հարձակմանն» ի պատասխան գործողությունների ժամանակացույցի հետ: Այս մասին հայտարարել է Սպիտակ տան մամուլի քարտուղար Սառա Սանդերսը:
Նրա խոսքով՝ Թրամփը մի քանի տարբերակներ է քննարկում, ոչ միայն ռազմականը:
«Բոլոր տարբերակները սեղանին են, նա գնահատում է, թե ինչպես արձագանքել: Վերջնական որոշումը դեռ չի կայացվել », – ասել է Սանդերսը:
«Ռուսաստանը ապացուցել է, որ պատասխանատու է կատարվածի համար: Նրանք (ռուսները) երաշխավորել էին, որ քիմիական զենքն այլեւս չի օգտագործվի Սիրիայում: Նրանք որոշակի պատասխանատվություն են կրում դրա համար եւ ապացուցեցին, որ այս գործընթացում վատ դերակատար են », – նշել է Սանդերսը: