«Silent Crow» և «Cyber ​​Partisans» հաքերային խմբերը ստանձնել են ռուսական «Աէրոֆլոտ» ավիաընկերության վրա հարձակման պատասխանատվությունը։

Հաքերների խոսքով՝ կիբերհարձակման արդյունքում ոչնչացվել է «Աէրոֆլոտ»-ի 7000 սերվեր, և նրանք ձեռք են բերել 20 տերաբայթ տվյալ։ Նրանց խոսքով՝ «Աէրոֆլոտ»-ի բոլոր կարևոր կորպորատիվ համակարգերը վնասվել են, այդ թվում՝ թռիչքների պատմության մասին տեղեկատվությունը։

Նրանց խոսքով՝ նրանք մուտք են գործել ընկերության աշխատակիցների, այդ թվում՝ բարձրաստիճան ղեկավարների համակարգիչներ, ինչպես նաև բանակցությունների, հսկողության համակարգերի և ներքին նամակագրության ձայնագրություններ։ Հաքերները հայտարարել են, որ մտադիր են հրապարակել համապատասխան տվյալները։

Տեղեկատվության համար՝ «Աէրոֆլոտ»-ը նախկինում հայտարարել էր, որ տեղեկատվական համակարգում առկա թերության պատճառով չեղարկվել է ավելի քան 40 չվերթ։ Դրանց թվում են Սանկտ Պետերբուրգ, Կազան, Երևան, Մինսկ և այլն չվերթները։

Ռուսական լրատվամիջոցները հաղորդում են, որ միջադեպը փլուզման պատճառ է դարձել Մոսկվայի «Շերեմետևո» օդանավակայանում։ «Աէրոֆլոտ»-ը կոչ է արել ուղևորներին վերցնել իրենց ուղեբեռը և լքել օդանավակայանը։