Սիղնաղիի մունիցիպալիտետի Էրիսիմեդ գյուղում այսօրվանից սահմանափակվում է տեղաշարժը:

Համաճարակաբաններն այս որոշումը կայացրել են այն բանից հետո, երբ նույն ընտանիքում 65-ամյա տղամարդու և 60 տարեկան կնոջ մոտ ախտորոշվել է կորոնավիրուս և պարզվել է, որ նրանք գյուղում շատերի հետ են ունեցել շփում:

Նրանց վարակման աղբյուրը հայտնի չէ, սակայն հատկանշական է, որ տղամարդը մեկ ամիս առաջ գտնվում էր Աջարիայում:

Վարակակիր ամուսինները տեղափոխվել են Թբիլիսիի կովիդ-կլինիկա:

Համաճարակաբանները Էրիսիմեդ գյուղ մուտք գործող և դուրս եկող բոլոր անձանց կջերմաչափեն, իսկ այն անձինք, ովքեր կունենան կորոնավիրուսին բնորոշ ախտանշաններ, կանցնեն «ՊՇՌ» հետազոտություն:

Այսօրվանից հեռավար ուսուցման կանցնի նաև գյուղի հանրային դպրոցը:

Հիվանդությունների վերահսկման ազգային կենտրոնի Կախեթիի բաժնի փոխանցմամբ, սեպտեմբերից մինչ օրս Կախեթիում արձանագրված է կորոնավիրուսի 74 դեպք: Մեկուսացման մեջ է 55-ը, ինքնամեկուսացման մեջ՝ ավելի քան 200-ը:

Կովիդ-կլինիկայում բուժում է անցնում 21 պացիենտ, ապաքինվել է 43-ը: