Առողջապահության համաշխարհային կազմակերպության և ՄԱԿ-ի պաշտոնյաները Գազայի հատվածի Ալ-Աքսա հիվանդանոց այցելելուց հետո ասում են, որ բժշկական կենտրոններում ավելի շատ անվտանգություն է անհրաժեշտ: Այս մասին գրում է «Սի Էն Էն»-ը։

Նրանք ուսումնասիրել են հիվանդանոցում տիրող իրավիճակը և նշել, որ բավարար անձնակազմ չկա վիրավորներին բուժելու համար։

Առողջապահության համաշխարհային կազմակերպության արտակարգ իրավիճակների արձագանքման թիմի համակարգողն ասել է, որ տարհանման հրամանի և վտանգավոր իրավիճակի պատճառով միայն հինգ բժիշկ է մնացել տեղում՝ հարյուրավոր արտակարգ դեպքերի և վնասվածքների համար:

Բացի այդ, ինչպես գրում է «Սի Էն Էն»-ը, Առողջապահության համաշխարհային կազմակերպության շտապօգնության թիմը հիվանդանոց է հասցրել բժշկական պարագաներ։