Շվեյցարիան միացել է «Եվրոպական երկնքի վահան» նախաձեռնությանը, գրում է ՌՈՅԹԵՐՍ-ը։

Շվեյցարիայի կառավարության տվյալներով՝ երկիրը միացել է «Երկնքի վահան» նախաձեռնությանը, որի նպատակն է Եվրոպայում ստեղծել հակաօդային և հակահրթիռային պաշտպանության միասնական համակարգ։

Համակարգը ստեղծվել է Գերմանիայի նախաձեռնությամբ՝ Ուկրաինա ռուսական ներխուժումից հետո։ Այն նպատակ ունի հնարավորություն տալ եվրոպական երկրներին համատեղ ձեռք բերել պաշտպանական համակարգեր և վարժանքներ անցկացնել։

Կառավարությունն ասաց, որ ծրագիրը համատեղելի է երկրի չեզոք կարգավիճակի հետ, քանի որ այն չի պարունակում որևէ պարտավորություն, և Շվեյցարիան դեռ կարող է որոշել, թե որտեղ և որքանով է նա մասնակցում:

Շվեյցարիան կունենա նաև համագործակցությունը դադարեցնելու տարբերակ, եթե «Երկնքի վահան»-ի անդամներից որևէ մեկը ներգրավված լինի պատերազմի մեջ:

Ծրագիրը ներառում է՝ Գերմանիա, Մեծ Բրիտանիա, Սլովակիա, Նորվեգիա, Լատվիա, Հունգարիա, Բուլղարիա, Բելգիա, Չեխիա, Ֆինլանդիա, Լիտվա, Նիդեռլանդներ, Ռումինիա և Սլովենիա: