Կախեթիի շրջանում «Բերքահավաք 2023»-ի շրջանակներում վերամշակվել է մինչև ութ հազար տոննա խաղող։

Ինչպես ասաց Գինու ազգային գործակալության նախագահ Լևան Մեխուզլան, մասնավոր հատվածն ակտիվ է, և պետությունը քիչ է միջամտում խաղողի մթերման գործընթացին։

«Խաղողահավաքը կամաց-կամաց մտնում է ակտիվ փուլ։ Խոսքը, առաջին հերթին, վերաբերում է Սիղնաղի և Դեդոփլիստսկարոյի մունիցիպալիտետներին, որտեղ, ավանդաբար, խաղողը շուտ է հասունանում։ Մասնավոր հատվածը շատ ակտիվ է, ինչը դրական է, որ պետությունը քիչ է միջամտում խաղողի մթերման գործընթացին։ Սակայն պետությունը պատրաստ է ընդունել բնակլիմայական պայմանների պատճառով վնասված խաղողը, որի պահանջարկը չի լինելու մասնավոր հատվածի կողմից, իսկ գյուղացիներին կիլոգրամը վճարել 90 թեթրի։ Հաջորդ շաբաթվանից բերքահավաքի գործընթացում կներգրավվեն նաև այլ մունիցիպալիտետներ, իսկ բերքահավաքն ավելի ակտիվ կլինի Կախեթիի մարզում»,- ասել է Լևան Մեխուզլան։

Վերամշակված խաղողից մինչև 3,6 հազար տոննան Ռկացիտելի է, երեք հազար տոննան՝ Սափերավի, մնացածը՝ տարբեր սորտերի խաղող։ Խաղողի բերքահավաքի համակարգման շտաբում արդեն գրանցվել է գինեգործության 170 ձեռնարկություն, որոնք կներգրավվեն խաղողի վերամշակման գործընթացում։

Կառավարության որոշմամբ այս տարի Խաղողահավաք 2023-ի շրջանակներում պետությունը սուբսիդավորելու է խաղողի Ռկացիտելի և Կախուրի կանաչ սորտերը։ Նշված որոշումը մինչև 25000 խաղողագործների և մինչև 500 գինեգործների կտա շարունակելու իրենց գործունեությունը և զարգանալու հնարավորություն։

Տեղեկությունը տարածում է Վրաստանի շրջակա միջավայրի պահպանության և գյուղատնտեսության նախարարությունը։