Օգոստոսի 15-ին և 19-ին Շրջակա միջավայրի պահպանության և գյուղատնտեսության նախարարության շրջակա միջավայրի ազգային գործակալությունը Սեւ ծովի ջրի որակի հերթական մշտադիտարկումն է իրականացրել։

Ինչպես նշվում է գործակալության տեղեկատվության մեջ, մոնիտորինգի արդյունքների համաձայն՝ Սև ծովի ջրի որակը նորմայի սահմաններում է։

Հետազոտության ընթացքում որոշվել են քիմիական պարամետրեր, այդ թվում՝ 13 ծանր մետաղների, ընդհանուր նավթային ածխաջրածինների, 16 պոլիարոմատիկ ածխաջրածինների կոնցենտրացիան և ֆիզիկաքիմիական այլ պարամետրեր։

Շրջակա միջավայրի ազգային գործակալությունը 9 կայաններում 10 օրը մեկ մոնիտորինգ է իրականացրել Սև ծովի ջրի որակի վրա։ Հուլիսի 10-ից կայանների թվին ավելացվել է Անակլիա-Գանմուխուրի տարածքի երեք կետ։ Վերցված նմուշներում որոշվում են 59 պարամետրերի արժեքները:

«Նմուշները վերլուծության են ուղարկվում Շրջակա միջավայրի ազգային գործակալության մթնոլորտային օդի, ջրի և հողի անալիզի հավատարմագրված լաբորատորիա, որը հագեցած է բարձր ճշգրտության վերլուծական գործիքներով և լիովին համապատասխանում է ժամանակակից պահանջներին ու չափանիշներին», – ասվում է գործակալության հաղորդագրության մեջ։