Շովիում, աղետի գոտում ավիացիան վերսկսել է գործունեությունը։ Այս մասին տեղից հայտնում է Առաջին ալիքի լրագրողը։

Բացի այդ, տեղում շարունակում է աշխատել հատուկ տեխնիկա։

Շովիում փրկարարական աշխատանքների երրորդ օրն է։ Որոնողափրկարարական աշխատանքներին ներգրավված են հրշեջներ, ՆԳՆ տարբեր ստորաբաժանումների, ինչպես նաև Վրաստանի պաշտպանության ուժերի աշխատակիցներ։ Բացի այդ, ՊՆ տեղեկատվության համաձայն, երեկ Շովի է մեկնել Արեւելյան հրամանատարության մարտական ​​ինժեներական գումարտակը, իսկ Կոպիտնար բազայից՝ Ազգային գվարդիայի 102-րդ գումարտակի անձնակազմը։

Ինչ վերաբերում է անհայտ կորածներին, ապա առկա տվյալներով աղետի գոտում որոնվում է 25 մարդ։

Աղետի գոտուց անվտանգ վայր է տարհանվել ընդհանուր առմամբ 210 մարդ։

Շովիում տեղի ունեցած աղետի հետ կապված գործում է թեժ գիծ 598 913 089։

Օնիի մունիցիպալիտետի Գլոլա գյուղում կազմակերպվել է արտակարգ իրավիճակների կառավարման ծառայության շարժական շտաբ։

Վրաստանում օգոստոսի 7-ը հայտարարվել է սգո օր։

Շովիում օգոստոսի 3-ին սողանք է տեղի ունեցել։ Այս պահին առկա պաշտոնական տվյալների համաձայն՝ տարերային աղետի հետևանքով զոհվել է 11 մարդ։