Շնորհավորում եմ մեր հերոս մարտիկներին, վիրավոր զինվորներին այս օրվա առթիվ և մաղթում խաղաղություն, բարօրություն և հաջողություններ և նրանց և նրանց ընտանիքներին,- այս մասին ասված է Վրաստանի վարչապետ Իրակլի Ղարիբաշվիլիի հայտարարության մեջ։

Կառավարության ղեկավարի խոսքով՝ իր պաշտպանության նախարարի պաշտոնում այս նոր ավանդույթը հաստատելով՝ ինքը ցանկացել է պատշաճ հարգանք ցուցաբերել Վրաստանին ծառայելուն նվիրված զինծառայողների նկատմամբ։

«Այս տարի մենք երկրորդ անգամ ենք նշում Վիրավոր զինվորների օրը։ Պաշտպանության նախարարի պաշտոնում այս նոր ավանդույթը հաստատելով՝ ես ցանկանում եմ մեր հարգանքը հայտնել մեր զինծառայողներին, ովքեր նվիրումով ծառայում են Վրաստանին, վտանգելով իրենց կյանքը և պաշտպանում յուրաքանչյուր քաղաքացու անվտանգությունը կամ համաշխարհային խաղաղությունը։

Մեր կառավարության առաջնահերթ պարտքն ենք համարում հոգ տանել այն զինծառայողների և նրանց ընտանիքների մասին, ովքեր արժանապատվորեն շարունակում են վրացական զինվորական ավանդույթները և օրինակ են հանդիսանում ապագա սերունդների համար։ Ողջ հանրության անունից շնորհավորում եմ մեր հերոս մարտիկներին այս օրվա կապակցությամբ և մաղթում նրանց, նրանց ընտանիքներին խաղաղություն, բարեկեցություն և հաջողություններ»,- ասված է վարչապետի հայտարարության մեջ։