Վրաստանի Տարածաշրջանային զարգացման և ենթակառուցվածքների նախարարության ավտոճանապարհների դեպարտամենտի պատվերով՝ Թիանեթի-Ախմետա-Ղվարելի-Նինիգորի ավտոճանապարհի 11,5 կմ հատվածի վերականգնման աշխատանքները շարունակվում են ակտիվորեն, հայտնում է Ճանապարհների դեպարտամենտը։

Վերականգնողական ճանապարհը գտնվում է Թելավիի մունիցիպալիտետում, այն սկսվում է Ջուղաանի գյուղից, անցնում Սանիորե գյուղով, Նափարուլի գյուղով և ավարտվում Շքարիանի գյուղի հանգույցով։ Ճանապարհի շրջակայքում կան բնակելի տներ, ֆերմերային հողատարածքներ, գինեգործական գործարաններ, գազալցակայաններ, կոմերցիոն տարածքներ և գյուղատնտեսական դաշտեր, հետևաբար այս ճանապարհի պատշաճ գործունեությունը շատ կարևոր է տեղի բնակչության համար:

«Գոյություն ունեցող ճանապարհը մեծ վնաս է կրել և խոչընդոտել է տեղաշարժը երթևեկության բարձր ինտենսիվության պայմաններում։ Ճանապարհների վերականգնման նախագծով նախատեսվում է ճանապարհային ենթակառուցվածքի ամբողջական վերականգնում։ Կբարեկարգվեն ճանապարհը, կկազմակերպվեն ջրատարներ, հեղեղատարներ, կանգառների տաղավարներ, բնակիչների բակերի մուտքեր և ճանապարհային նշաններ։ Կկատարվի երթևեկելի մասի հորիզոնական գծանշում: Այս փուլում ավարտվել է 9 կմ. երկարությամբ հատվածի ասֆալտբետոնե ծածկի կազմակերպումը։ Աշխատանքների մինչև 70%-ն ավարտված է։ Ծրագիրը ֆինանսավորվում է պետբյուջեից և արժեքը կազմում է 11 659 030 լարի։ Նախատեսվում է աշխատանքները ավարտել այս տարի»,- ասված է տեղեկատվության մեջ։