Եվրամիությունը պետք է պատրաստ լինի ընդունելու նոր անդամներ մինչև 2030 թվականը, հայտարարել է Եվրոպական խորհրդի նախագահ Շառլ Միշելը։

«Այժմ մենք պետք է դիտարկենք ընդլայնումը որպես հիմնական մարտահրավերներից մեկը ինչպես ԵՄ-ի, այնպես էլ նրա ապագա անդամ երկրների համար։ Դա հավակնոտ է, բայց անհրաժեշտ։ Դա ցույց է տալիս, որ մենք լուրջ ենք տրամադրված։ Հնարավորությունների պատուհանը բաց է, մենք պետք է օգտվենք դրանից»,- ասել է Շառլ Միշելը։

Ինչպես հաղորդում է «Financial Times»-ը, ԵՄ առաջնորդներն այս թեմայով առաջին քննարկումը կանցկացնեն հոկտեմբերի սկզբին Իսպանիայի Գրանադա քաղաքում։ Ըստ լրատվամիջոցների՝ Ուկրաինան պահանջում է, որ Եվրամիությունը համաձայնի մինչև տարեվերջ սկսել իրենց անդամակցության պաշտոնական գործընթացը։

Լրատվամիջոցները հայտնում են, որ Բրյուսելը հայտարարել է Ուկրաինան, Մոլդովան և Ալբանիան որպես թեկնածու երկրներ և սկսել է ներքին բանավեճ, թե ինչպես կարելի է ընդունել ութ նոր անդամները։