Շառլ Միշել - Իրակլի Ղարիբաշվիլիի հետ հանդիպմանը ես վերահաստատեցի Եվրամիության հանձնառությունը Վրաստանի անդամակցության հեռանկարին, այժմ ժամանակն է կոնկրետ կատարել կարգավիճակ ստանալու համար անհրաժեշտ առաջնահերթությունները
Եվրոպական խորհրդի նախագահ Շառլ Միշելը Twitter-ի իր էջում արձագանքել է Վրաստանի վարչապետ Իրակլի Ղարիբաշվիլիի հետ հանդիպմանը։
Ինչպես գրում է Շառլ Միշելը, ժամանակն է կոնկրետ կատարել կարգավիճակ ստանալու համար անհրաժեշտ առաջնահերթությունները։
«Ես ողջունում եմ Եվրամիության հետ կապված բարեփոխումների վերաբերյալ այսօրվա հայտարարությունը։ Եվս մեկ անգամ վերահաստատեցի Եվրամիության հանձնառությունը Վրաստանի անդամակցության հեռանկարին։ Հիմա ժամանակն է կոնկրետ կատարել այն առաջնահերթությունները, որոնք անհրաժեշտ են թեկնածուի կարգավիճակ ստանալու համար»,- գրում է Շառլ Միշելը։
