Ավստրալիայի քաղաքացի Շանայ Բրուքի կանխամտածված սպանության մեջ ծանրացուցիչ հանգամանքներում մեղադրվող Ռաֆայել Մուրսակուլովին դատապարտել են ազատազրկման՝ որպես խափանման միջոց:

Թբիլիսիի քաղաքային դատարանի դատավոր Արսեն Կալատոզիշվիլին որոշումը կայացրել է րոպեներ առաջ:

«Կարծում եմ, որ խափանման միջոց կիրառելու հիմքեր կան, և նյութերի համադրությունը ստեղծում է ողջամիտ ենթադրության չափանիշ, որ մեղադրվող գործողությունները հնարավոր է, կատարվել են նրա կողմից: Ես լիովին կիսում եմ մեղադրող կողմի տեսակետը թաքնվելու վտանգների վերաբերյալ: Հաշվի առնելով մեղադրվող արարքների բնույթը՝ առանձնապես ծանր հանցագործություն է, գործով կատարվել են մի շարք քննչական գործողություններ, և մեղադրյալը փորձել է ոչնչացնել հանցագործության զենքը: Կարծում եմ, որ գործի համար կարևոր տեղեկատվության ոչնչացման վտանգ կա: Ինչ վերաբերում է փախուստի սպառնալիքին, ապա մեղադրվող արարքը պատժվում է ազատազրկմամբ երկար ժամանակով: Կարծում եմ, որ նպատակահարմար է նրան կալանավորելը», – ասել է դատավոր Արսեն Կալատոզիշվիլին:

Ավստրալիայի քաղաքացի Շանայ Բրուքն անհետացել էր այս տարվա հուլիսի 30-ին: Շանայ Բրուքի մարմինը հայտնաբերվել է Մթածմինդայի լանջին, հուլիսի 31-ին:

Իրավապահ մարմինների աշխատակիցները Ռաֆայել Մուրսակուլովին ձերբակալել էին սեպտեմբերի 8-ին: Նա մեղադրվում է Վրաստանի Քրեական օրենսգրքի 179-րդ հոդվածի առաջին մասով (կողոպուտ, այսինքն՝ ուրիշի շարժական գույքի անօրինական տիրապետման նպատակով հարձակում, բռնությամբ կամ կամ առողջության համար վտանգավոր սպառնալիքով), 109-րդ հոդվածի 1-ին մասի «գ» և երրորդ մասի «գ» ենթակետերով (կանխամտածված սպանություն՝ այլ հանցագործության կատարումը կոծկելու և հեշտացնելու նպատակով), որը նախատեսում է 16-ից 20 տարվա կամ ցմահ ազատազրկում: