Վրաստանի նախկին նախագահ Միխեիլ Սաակաշվիլիի փաստաբան Շալվա Խաճապուրիձեն հայտարարում է, որ իր պաշտպանության տակ գտնվող անձին այսօր այցելելու է ՄԱԿ-ի փորձագետը։

Ինչպես լրագրողներին ասել է Խաճապուրիձեն, ամերիկացի փորձագետը ցանկանում է այցելել հատուկ քննչական ծառայություն և տեսնել Սաակաշվիլիի քրեակատարողական հիմնարկում գտնվելու կադրերը։

Բացի այդ, ըստ փաստաբանի, ամսվա վերջին «Էմպաթիա» կենտրոնում մեկ այլ աշխատանքային խումբ կհանդիպի Մարինա Ջիշկարյանիի հետ և որոշակի ամփոփում կանի։

«Ինչպես գիտեք, ժամանել է ՄԱԿ-ի փորձագետ Գոլդսմիթը, ով ուշ գիշերով թռել է և այս ընթացքում Սաակաշվիլիի վերաբերյալ հետազոտություններ է անցկացնելու։ Սպասում ենք Առողջապահության նախարարության թույլտվություններին մյուս երկու փորձագետների համար։ Որպես կանոն, մենք այսօր պետք է ինչ-որ պատասխան ստանանք»,- ասել է Շալվա Խաճապուրիձեն։

Փաստաբանի խոսքով՝ արտասահմանյան փորձագետները պետք է պատասխանեն երկու հիմնական հարցի, թե արդյոք Սաակաշվիլին ծանր հիվանդ է, և արդյոք նրա հիվանդությունը խանգարում է պատժի իրագործմանը։

«Դա երկու հարց է և ունի մոտ հարյուր ենթահարցեր։ Բնականաբար, փորձագետն ունի հատուկ թեստեր հոգեբուժության համար՝ հիմնված ամերիկյան վերջին ուղեցույցների վրա։ Նա բավականին ծավալուն նյութ է բերել։ Նա արդեն որոշակի աշխատանք է կատարել։ Տիկին Գիուլի Ալասանիայի և նրա ընտանիքի անդամների հետ զրուցել է հեռակա կարգով՝ այդ մարդկանց հարցնելով ժամերով, մի քանի օրով։ Սաակաշվիլիի հետ հանդիպումից հետո միայն նա կանի այս ամենի ամփոփումը։ Մի խոսքով, ամեն ինչ արտացոլված է եզրակացության մեջ»,- ասել է Շալվա Խաճապուրիձեն։