Վրաստանի խորհրդարանի նախագահ Շալվա Պապուաշվիլին հանդիպել է Թուրքիայի Ազգային մեծ վեհաժողովի Վրաստանի հետ բարեկամության խմբի նախագահ Հալիլ Էթյեմեզի և խմբի անդամների հետ։

Խորհրդարանի մամուլի ծառայությունից հայտնում են, որ կողմերը քննարկել են Վրաստանի և Թուրքիայի Հանրապետության միջև երկարաժամկետ սերտ համագործակցությունը տարբեր ոլորտներում և ողջունել օրենսդիր մարմինների միջև կապերի վերջին ակտիվացումը։ Հանդիպմանը քննարկվել է նաև տարածաշրջանային համագործակցությունը։ Շալվա Պապուաշվիլին նշել է, որ Վրաստանը մեծ նշանակություն է տալիս Վրաստան-Թուրքիա-Ադրբեջան եռակողմ համագործակցությանը։ Ուշադրության կենտրոնում են եղել տարածաշրջանային խաղաղության ամրապնդմանն ուղղված քայլերը։ Շալվա Պապուաշվիլին երախտագիտություն է հայտնել Վրաստանի ինքնիշխանության, տարածքային ամբողջականության և չճանաչման քաղաքականության աջակցության համար։

Կողմերը պատրաստակամություն են հայտնել առավել խորացնել ռազմավարական գործընկերությունը։