Խորհրդարանի նախագահ Շալվա Պապուաշվիլին Գորիի Դավիթ Աղմաշենեբելիի անվան Վրաստանի ազգային պաշտպանության ակադեմիայում հանդիպել է կուրսանտների հետ։

Ակադեմիայում ներկա են եղել Վրաստանի պաշտպանության նախարար Իրակլի Չիքովանին և Պաշտպանության ուժերի հրամանատար, գեներալ-մայոր Գիորգի Մատիաշվիլին։

Շալվա Պապուաշվիլին ուշադրություն է հրավիրել այն մարտահրավերների վրա, որոնք կան աշխարհում, տարածաշրջանում և հատկապես Վրաստանում։ Նա խոսել է նաև պաշտպանության ուղղությամբ Վրաստանի կառավարության կողմից վերջերս իրականացվող նախագծերի և ապագա ծրագրերի մասին։

Պաշտպանության նախարարն ուշադրություն է հրավիրել ուսումնական հաստատության կարևոր դերի վրա և հաջողություններ մաղթել կուրսանտներին։

Ակադեմիա կատարած այցի ընթացքում Շալվա Պապուաշվիլին ստուգել է բնակելի զորանոցը, հեռակա ուսուցման կենտրոնը, լաբորատորիաները, սիմուլյացիոն կենտրոնը, ակադեմիայի գրադարանը և ցուցահանդեսային տարածքը։

Խորհրդարանի նախագահի հետ Ազգային պաշտպանության ակադեմիայում ներկա են եղել՝ խորհրդարանի պաշտպանության և անվտանգության հանձնաժողովի նախագահ Ալեքսանդր Տաբատաձեն և արտաքին հարաբերությունների հանձնաժողովի նախագահ Նիկոլոզ Սամխարաձեն։