Շալվա Պապուաշվիլին մասնակցել է Դանիայի Թագավորության հետ դիվանագիտական հարաբերությունների հաստատման 30-ամյակին նվիրված ընդունելությանը
Վրաստանի խորհրդարանի նախագահ Շալվա Պապուաշվիլին մասնակցել է Վրաստանի և Դանիայի Թագավորության միջև դիվանագիտական հարաբերությունների հաստատման 30-ամյակին նվիրված ընդունելությանը։
Խորհրդարանի մամուլի ծառայությունից հայտնում են, որ Շալվա Պապուաշվիլին ելույթ է ունեցել ներկաների առջև և խոսել Վրաստանի և Դանիայի Թագավորության հարաբերությունների մասին։ Այս համատեքստում խորհրդարանի նախագահը կարևորել է բարեկամ երկրների աջակցությունը մեր երկրի եվրաինտեգրման գործում։
«Վրաստանը ՆԱՏՕ-ի և Եվրամիության ունակ, վստահելի գործընկերն է, որը նրանց հավատարիմ դաշնակիցն է ինչպես տարածաշրջանում, այնպես էլ դրա սահմաններից դուրս։ Վրաստանը և Դանիան կիսում են ընդհանուր արժեքներն ու շահերը խաղաղության, ժողովրդավարության և օրենքի գերակայության պահպանման հարցում»,- ասել է Շալվա Պապուաշվիլին։
Խորհրդարանի նախագահն ընդգծել է, որ այսօր Վրաստանը, որը սպասում է անդամակցության թեկնածուի կարգավիճակ տալու վերաբերյալ Եվրամիության որոշմանը, հատկապես Դանիայի Թագավորության աջակցության կարիքն ունի։
Խորհրդարանական պատվիրակության կազմում են պատգամավորներ՝ Նիկոլոզ Սամխարաձեն, Մակա Բոճորիշվիլին, Մայա Բիթաձեն և Հերման Սաբոն։