Շալվա Պապուաշվիլին հանդիպել է Վրաստանում Լատվիայի դեսպան Էդիթ Մեդնեի հետ
Վրաստանի խորհրդարանի նախագահ Շալվա Պապուաշվիլին հանդիպել է Վրաստանում Լատվիայի Հանրապետության արտակարգ և լիազոր դեսպան Էդիթ Մեդնեյի հետ։ Տեղեկությունը տարածում է խորհրդարանի մամուլի ծառայությունը։
Նրանց հաղորդմամբ՝ հանդիպմանը կողմերը քննարկել են երկու երկրների միջև ամուր բարեկամական հարաբերությունները։
«Շալվա Պապուաշվիլին երախտագիտություն է հայտնել Վրաստանի տարածքային ամբողջականությանն ու եվրոպական ու եվրատլանտյան նկրտումներին Լատվիայի Հանրապետության աջակցության համար։
Խորհրդարանի նախագահը մանրամասն անդրադարձել է Վրաստանի առաջընթացին Եվրամիության 12 հանձնարարականների իրականացման գործում։
Դեսպանը հաստատել է Լատվիայի լիակատար աջակցությունը Վրաստանի ինտեգրմանը Եվրամիությանը և իր պատրաստակամությունը հայտնել այդ գործընթացում Վրաստանի կողքին լինելու»,- նշել է խորհրդարանի մամուլի ծառայությունը։