Շալվա Պապուաշվիլին հանդիպել է Ճապոնիայի արտաքին գործերի խորհրդարանական փոխնախարարի հետ
Վրաստանի խորհրդարանի նախագահ Շալվա Պապուաշվիլին հանդիպել է Ճապոնիայի արտաքին գործերի խորհրդարանական փոխնախարար Ուումի Յոշիկավայի հետ։
Շալվա Պապուաշվիլին իր երախտագիտությունն է հայտնել Վրաստանի ինքնիշխանությանն ու տարածքային ամբողջականությանը Ճապոնիայի աջակցության համար, ինչպես նաև ՄԱԿ-ի Գլխավոր ասամբլեայի կողմից Վրաստանի օկուպացված շրջաններից փախստականների և ներքին տեղահանվածների վերաբերյալ բանաձևին աջակցելու համար։
Կողմերը խոսել են Վրաստանի և Ճապոնիայի միջև արդյունավետ համագործակցության մասին՝ տնտեսության, առևտրի, մարդկանց միջև հարաբերությունների ոլորտներում։ Շալվա Պապուաշվիլին կենտրոնացել է Վրաստանի ռազմավարական աշխարհագրական դիրքի և այդ համատեքստում երկրի տարանցիկ հնարավորությունների և ներդրումային բարենպաստ միջավայրի վրա։
Ընդգծվել է նաև այն փաստը, որ այս տարի լրանում է Վրաստանի և Ճապոնիայի միջև դիվանագիտական հարաբերությունների հաստատման 30-ամյակը։
Հանդիպումը կայացել է Շալվա Պապուաշվիլիի և նրան ուղեկցող պատվիրակության Ճապոնիա կատարած աշխատանքային այցի շրջանակներում։
Խորհրդարանական պատվիրակության կազմում են Մամուկա Մդինարաձեն, Շոթա Խաբարելին և Իրակլի Մեզուրնիշվիլին, ինչպես նաև խորհրդարանի նախագահի գրասենյակի ղեկավար Լևան Մաղաշվիլին։
Տեղեկությունը տարածում է Վրաստանի խորհրդարանի մամուլի ծառայությունը։