Շալվա Պապուաշվիլին հանդիպել է Նիդերլանդների Թագավորության դեսպանի հետ
Խորհրդարանի նախագահ Շալվա Պապուաշվիլին հանդիպել է Նիդերլանդների Թագավորության արտակարգ և լիազոր դեսպան Մաայկե վան Կոլդամի հետ։
Վրաստանի խորհրդարանի մամուլի ծառայության փոխանցմամբ՝ Շալվա Պապուաշվիլին խոսել է խորհրդարանական պատվիրակության Նիդերլանդների Թագավորություն կատարած արդյունավետ այցի մասին և ընդգծել խորհրդարանական կոմիտեների միջև կապերի ակտիվացման կարևորությունը։
Խորհրդարանի նախագահը նաեւ նշել է, որ անհամբեր սպասում է 2023 թվականին իր հոլանդացի գործընկերների այցին Վրաստան։
Հանդիպմանը դրական է գնահատվել Նիդեռլանդների Ֆինանսների և Էկոնոմիկայի ազգային ակադեմիայի և Վրաստանի խորհրդարանի միջև իրականացվող ծրագիրը, որը վերաբերում է պետական ֆինանսների խորհրդարանական վերահսկողությանը:
Շալվա Պապուաշվիլին դեսպանին տեղեկացրել է մինչև 2022 թվականի վերջ խորհրդարանի կողմից իրականացվելիք ծրագրերի մասին և խոսել Վրաստանի կողմից ԵՄ հանձնարարականների կատարման մասին։
Դեսպանը նշել է, որ Նիդեռլանդները ներկայումս մեծ ուշադրություն է դարձնում Վրաստանին եւ հույս է հայտնել, որ Վրաստանը համատեղ ջանքերով զգալի արդյունքների կհասնի։