Խորհրդարանի նախագահ Շալվա Պապուաշվիլին հանդիպել է ԱՄՆ-ի, Ֆրանսիայի, Թուրքիայի, Մեծ Բրիտանիայի, Ռումինիայի, Լեհաստանի և ՆԱՏՕ-ի անդամ այլ երկրների դեսպանների հետ։
Կողմերը քննարկել են ՆԱՏՕ-Վրաստան հարաբերությունները, Ռուսաստանի կողմից օկուպացված տարածաշրջաններում առկա իրավիճակը, տարածաշրջանային համագործակցությունը, Վրաստանի ժողովրդավարական բարեփոխումները, հակամարտությունները և անվտանգության մարտահրավերները Հարավային Կովկասում և Սևծովյան տարածաշրջանում։
Բրյուսել այցի շրջանակներում վաղը նախատեսվում է երկկողմ հանդիպում ՆԱՏՕ-ի գլխավոր քարտուղարի տեղակալ Միրչա Ջոանայի հետ։ Վաղը տեղի կունենա ՆԱՏՕ-Վրաստան հանձնաժողովի նիստը, որին կմասնակցի Շալվա Պապուաշվիլին։
Վրաստանի խորհրդարանի նախագահի գլխավորած պատվիրակության կազմում են արտաքին հարաբերությունների հանձնաժողովի նախագահ Նիկոլոզ Սամխարաձեն, պաշտպանության և անվտանգության հանձնաժողովի նախագահ Իրակլի Բերայան և խորհրդարանի անդամ Քեթևան Տուրազաշվիլին։
Տեղեկությունը տարածում է Վրաստանի խորհրդարանի մամուլի ծառայությունը։