Խորհրդարանի նախագահ Շալվա Պապուաշվիլին հանդիպել է Մոլդովայի Հանրապետության փոխվարչապետ Օլեգ Սերեբրիանիի հետ՝ վերաինտեգրման հարցերի շուրջ։
Կողմերն ընդգծել են Վրաստանի և Մոլդովայի միջև առանձնահատուկ կապերը ինչպես պատմական, այնպես էլ աշխարհաքաղաքական տեսանկյունից։ Հանդիպմանն անդրադարձ է եղել ընդհանուր եվրոպական օրակարգին, մասնավորապես՝ Եվրամիության հանձնարարականների իրականացման գործընթացին։ Կողմերը կենտրոնացել են խորհրդարանների միջև համագործակցության և փորձի փոխանակման կարևորության վրա։ Նրանք քննարկել են նաև տարածաշրջանային անվտանգության մարտահրավերները և Ուկրաինայում Ռուսաստանի պատերազմի հետևանքները։
«Մոլդովան ու Վրաստանը շատ ընդհանրություններ ունեն։ Հունիսից մենք կիսում ենք նաև եվրաինտեգրման գործընթացը։ Սա պատմական նշանակություն ունեցող ժամանակաշրջան է, որի ընթացքում մենք պետք է աջակցենք միմյանց և փորձի փոխանակում կատարենք»,- ասել է Շալվա Պապուաշվիլին։
Մոլդովայի Հանրապետության փոխվարչապետ Օլեգ Սերեբրյանիի խոսքով՝ Վրաստանի և Մոլդովայի հարաբերություններն առանձնահատուկ են՝ հիմնված ինչպես պատմական, այնպես էլ աշխարհաքաղաքական հեռանկարների վրա։
«Մենք ունենք նմանատիպ մարտահրավերներ, ինչպիսիք են անջատողականությունը և օկուպացված տարածքները»,- հանդիպման ժամանակ նշել է Օլեգ Սերեբրյանին։