Շալվա Պապուաշվիլին հանդիպել է Իսպանիայի Թագավորության Սենատի նախագահի հետ
Վրաստանի խորհրդարանի նախագահ Շալվա Պապուաշվիլին հանդիպել է Իսպանիայի Թագավորության Սենատի նախագահ Անդեր Գիլի հետ։
Ինչպես հաղորդում է Վրաստանի խորհրդարանի մամուլի ծառայությունը, կողմերը քննարկել են Վրաստանի և Իսպանիայի միջև համագործակցությունը։ Ընդգծվել է, որ այս տարի լրանում է դիվանագիտական հարաբերությունների հաստատման 30-ամյակը, ինչը լավ հնարավորություն է խորհրդարանական, մշակութային և տնտեսական կապերի հետագա խորացման, խորհրդարանական դիվանագիտության ամրապնդման համար։
Շալվա Պապուաշվիլին Անդեր Գիլի հետ զրուցել է ԵՄ-ին և ՆԱՏՕ-ին անդամակցելու հարցում Վրաստանի առաջընթացի մասին։
Սենատի նախագահը պատրաստակամություն է հայտնել աջակցել Վրաստանի անդամակցությանը Եվրամիությանը և շնորհակալություն է հայտնել Շալվա Պապուաշվիլիին՝ ԵՄ անդամակցության ճանապարհին Վրաստանի գործադրած ջանքերի համար։ Նա նաև նշել է, որ Վրաստանը երկիր է, որը կարևոր է տարածաշրջանային խաղաղության և կայունության համար։