Վրաստանի խորհրդարանի նախագահ Շալվա Պապուաշվիլին հանդիպել է Գերմանիայի Դաշնային Հանրապետության նորանշանակ արտակարգ և լիազոր դեսպան Պետեր Ֆիշերի հետ։
Խորհրդարանի նախագահը հանդիպմանն ընդգծել է, որ Վրաստանն ու Գերմանիան ավանդաբար ամուր և բարեկամական հարաբերություններ ունեն։ Նրանք նշել են Վրաստանի և Գերմանիայի միջև դիվանագիտական հարաբերությունների վերականգնման 30-ամյակի կարևորությունը։
Շալվա Պապուաշվիլին երախտագիտություն է հայտնել Վրաստանի տարածքային ամբողջականությանն ու եվրոպական ապագային Գերմանիայի աջակցության, ինչպես նաև Վրաստանի ինստիտուցիոնալ և սոցիալ-տնտեսական զարգացման գործում Գերմանիայի ակնառու ներդրման համար։
Կողմերը խոսել են Եվրամիության հանձնարարականների իրականացման ուղղությամբ ընթացող աշխատանքային գործընթացի մասին։ Անդրադարձ է կատարվել նաև Վրաստանի վարչապետի այցին Գերմանիա և խորհրդարանի նախագահի՝ Բեռլին նախատեսվող այցին։
Պիտեր Ֆիշերը հաստատել է Գերմանիայի ամուր աջակցությունը Վրաստանի տարածքային ամբողջականությանն ու ինքնիշխանությանը։ Գերմանիայի դեսպանի խոսքով՝ Գերմանիան կշարունակի օգնել Վրաստանին Եվրամիությանն անդամակցելու ճանապարհին։
Տեղեկությունը տարածում է խորհրդարանի մամուլի ծառայությունը։