Վրաստանի խորհրդարանի նախագահ Շալվա Պապուաշվիլին հանդիպել է Գերմանիայի Դաշնային Հանրապետության Բունդեսթագի փոխնախագահ Կատրին Գյորինգ-Էկարդտի հետ։

Խորհրդարանի մամուլի ծառայության հաղորդմամբ, Շալվա Պապուաշվիլին հանդիպմանը նշել է, որ Վրաստանն ու Գերմանիան երկար տարիների սերտ համագործակցության և բարեկամության մեջ են։

Նա երախտագիտություն է հայտնել Վրաստանի տարածքային ամբողջականությանն ու եվրոպական ապագային Գերմանիայի աջակցության համար։

«Կողմերը վերանայել են Եվրամիությանը Վրաստանի անդամակցության ուղին և ընդգծել Վրաստանին եվրոպական հեռանկար տալու կարևորությունը։ Շալվա Պապուաշվիլին նշել է, որ Վրաստանն ակտիվորեն կաշխատի թեկնածուի կարգավիճակ ստանալու համար Եվրահանձնաժողովի առաջարկությունների կատարման վրա։ Շալվա Պապուաշվիլին և Կատրին Գյորինգ-Էքարդը քննարկել են նաև Ուկրաինայի դեմ շարունակվող ռուսական ագրեսիան և դրա հետևանքները Վրաստանի և տարածաշրջանի համար»,- ասվում է տեղեկատվության մեջ։