Վրաստանի խորհրդարանի նախագահ Շալվա Պապուաշվիլին հանդիպել է Վրաստանում Դանիայի Թագավորության արտակարգ և լիազոր դեսպան Անե Թոֆթ Սորենսենի հետ։
Շալվա Պապուաշվիլին շնորհավորել է Անե Սորենսենին դեսպանի պաշտոնում նշանակվելու կապակցությամբ և հաջողություն մաղթել աշխատանքում։
Նախագահը խոսեց Դանիա կատարած արդյունավետ այցի մասին։
Դեսպանը նշել է, որ նոյեմբերի 1-ին Դանիայում տեղի են ունեցել խորհրդարանական ընտրություններ, և ընթացքի մեջ է նոր կառավարության ձևավորման գործընթացը։ Այս առումով նա ընդգծել է այն փաստը, որ Դանիայի բոլոր կառավարությունները կշարունակեն աջակցել Վրաստանի տարածքային ամբողջականությանը և բարեփոխումներին, ինչի մասին է վկայում Թբիլիսիում Դանիայի դեսպանատունը բացելու որոշումը։
Խորհրդարանի նախագահը խոսել է Եվրամիությանն անդամակցելու ճանապարհին Վրաստանի առաջընթացի մասին։
Դանիայի դեսպանը հաստատել է Դանիայի պատրաստակամությունը՝ աջակցելու Վրաստանին Եվրամիության 12 հանձնարարականների կատարման գործում։
Զրույցում անդրադարձ է կատարվել նաև Ուկրաինայի դեմ Ռուսաստանի ագրեսիային, դրա հետևանքներին և ընթացիկ իրադարձություններին Վրաստանում և տարածաշրջանում։
Տեղեկությունը տարածում է Վրաստանի խորհրդարանի մամուլի ծառայությունը։