Շալվա Պապուաշվիլին հանդիպել է Չինաստանի Ժողովրդական Հանրապետության դեսպանի հետ
Խորհրդարանի նախագահ Շալվա Պապուաշվիլին հանդիպել է Վրաստանում Չինաստանի Ժողովրդական Հանրապետության արտակարգ և լիազոր դեսպան Ճոու Ցիենի հետ։
Խորհրդարանի մամուլի ծառայությունից հայտնում են, որ Պապուաշվիլին շնորհավորել է Ճոու Ցիենին դեսպանի պաշտոնում նշանակվելու կապակցությամբ և հաջողություն մաղթել աշխատանքում։
«Կողմերը նշել են, որ վերջին տարիներին Վրաստանի և Չինաստանի Ժողովրդական Հանրապետության միջև համագործակցությունը դինամիկ կերպով զարգանում է։
Խորհրդարանի նախագահը երախտագիտություն է հայտնել Վրաստանի տարածքային ամբողջականության և չճանաչման քաղաքականությանը Չինաստանի աջակցության համար և վերահաստատել Վրաստանի աջակցությունը «Մեկ Չինաստան» քաղաքականությանը։
Հանդիպմանը նշվել է, որ այս տարի լրանում է երկրների միջև դիվանագիտական հարաբերությունների հաստատման 30-ամյակը։ Կողմերը պատրաստակամություն են հայտնել խորացնել երկկողմ համագործակցությունը։
Հանդիպմանը մասնակցել է Չինաստանի Ժողովրդական Հանրապետության խորհրդարանի հետ բարեկամության խմբի ղեկավար Գիորգի Ամիլախվարին։