Շալվա Պապուաշվիլին հանդիպել է Արաբական Միացյալ Էմիրությունների նորանշանակ դեսպանին
Խորհրդարանի նախագահ Շալվա Պապուաշվիլին հանդիպել է Վրաստանում Արաբական Միացյալ Էմիրությունների նորանշանակ դեսպան Ահմեդ Իբրահիմ Ահմեդ Թահեր Ալնուայմիի հետ։
Վրաստանի խորհրդարանի մամուլի ծառայության փոխանցմամբ՝ հանդիպմանը դրական է գնահատվել երկու երկրների համագործակցության աճող դինամիկան։ Զրույցն անդրադարձել է բարձր մակարդակի այցերին, ներդրումներին, համագործակցությանը տնտեսության, զբոսաշրջության, կրթության և մշակույթի ոլորտներում։
Շալվա Պապուաշվիլին կարևորել է օրենսդիր մարմինների միջև դրական կապերը, այդ թվում՝ 2022 թվականին բարեկամության խմբերի միջև առաջին առցանց հանդիպումը։
Միաժամանակ ուշադրություն է դարձվել խորհրդարանների միջև համագործակցության հուշագրի ստորագրման կարևորությանը։
Նախագահը հաջողություն է մաղթել դեսպանին Վրաստանում իր աշխատանքում։