Շալվա Պապուաշվիլին հանդիպել է ԱՄՆ պետքարտուղարի՝ ժողովրդավարության, մարդու իրավունքների և աշխատանքի հարցերով քարտուղարի օգնականի հետ
Վրաստանի խորհրդարանի նախագահ Շալվա Պապուաշվիլին հանդիպել է ԱՄՆ պետքարտուղարի՝ ժողովրդավարության, մարդու իրավունքների և աշխատանքի հարցերով օգնականի տեղակալ Կարա Մակդոնալդի հետ։
Վրաստանի խորհրդարանի փոխանցմամբ՝ կողմերը քննարկել են Վրաստանի և ԱՄՆ-ի միջև ռազմավարական գործընկերությունը և նշել, որ այս տարի լրանում է դիվանագիտական հարաբերությունների հաստատման 30-ամյակը։
Շալվա Պապուաշվիլին երախտագիտություն է հայտնել անկախության ձեռքբերման օրվանից ի վեր Վրաստանին ԱՄՆ-ի ցուցաբերած ամուր աջակցության համար։
Կարա Մակդոնալդը նշել է, որ վերջին 30 տարիների ընթացքում Վրաստանը զգալի առաջընթաց է գրանցել տարբեր ոլորտներում, և Միացյալ Նահանգները կշարունակի աջակցել մեր երկրի ժողովրդավարական զարգացմանն ու եվրաատլանտյան ձգտումներին։
Կողմերը քննարկել են Վրաստանում ընթացող գործընթացները, Վրաստանի՝ ԵՄ անդամակցության հայտը, ինչպես նաև երկրում իրականացվող և նախատեսվող բարեփոխումների օրակարգը՝ ներառյալ ընտրական, դատական և այլ ոլորտները։