Վրաստանի խորհրդարանի նախագահ Շալվա Պապուաշվիլին և Ռումինիայի Սենատի նախագահ Նիկոլաե Չուկան ստորագրել են համատեղ հռչակագիր։ Տեղեկությունը տարածում է խորհրդարանի մամուլի ծառայությունը։

Նրանց խոսքով, հռչակագիրը նպատակ ունի խթանել երկխոսությունը և փորձի փոխանակումը Վրաստանի խորհրդարանի և Ռումինիայի Սենատի միջև ընդհանուր հետաքրքրություն ներկայացնող ոլորտներում:

«Հռչակագիրը նախատեսում է խորհրդարանական համագործակցության խորացում մի շարք ուղղություններով, այդ թվում՝ պարբերական երկկողմ այցերի իրականացում, բարեկամական խմբերի և ոլորտային հանձնաժողովների միջև կապերի ակտիվացում, խորհրդարանների աշխատակիցների մասնագիտական ​​զարգացման ծրագրերի առաջարկ և այլն:

Հռչակագիրը հաստատում է Ռումինիայի աջակցությունը Վրաստանի տարածքային ամբողջականությանը և անդամակցությանը ՆԱՏՕ-ին և Եվրամիությանը, ինչպես նաև օգնելու Վրաստանի պատրաստակամությունը»,- նշել են խորհրդարանի մամուլի ծառայությունից։