Շալվա Պապուաշվիլի. Եվրոպական խորհրդարանում ավելի ու ավելի լսելի են դառնում նրանց ձայները, որոնց համար կարևոր է եվրոպական ինքնությունը, սակայն հետադիմական ուժերը դեռևս ուժեղ են, ինչը Եվրոպական Միությունը տանում է դեպի մութ անցյալ
Շատ կարևոր է, որ Եվրոպական խորհրդարանում ավելի բարձր է հնչում եվրոպացի հայրենասերների ձայնը՝ նրանց ձայնը, որոնց համար կարևոր է, որ եվրոպական ինքնությունն այլևս չկորչի, և որ Եվրոպական միությունը հիմնված լինի եվրոպական արժեքների վրա։ Այս մասին հայտարարել է Վրաստանի խորհրդարանի նախագահ Շալվա Պապուաշվիլին։
Պապուաշվիլիի խոսքով՝ այդուհանդերձ, Եվրամիությունում դեռևս մեծ ազդեցություն ունեն ռեգրեսիվ ուժերը, որոնք տանում են ԵՄ-ը դեպի Եվրոպայի մութ անցյալը։
Նա նշում է, որ սա ակնհայտ դարձավ երեկ Եվրոպական խորհրդարանում անցկացված բանավեճերի ընթացքում։
«Մենք դա երեկ հստակ տեսանք, երբ ուղիղ նայեցինք այն քաղաքակրթական անդունդին, դեպի որը այսօր Բրյուսելի բյուրոկրատիան մղում է Եվրոպական միությանը։ Ով էլ որ հետաքրքրվում է, թե ինչ է Եվրոպայի քաղաքակրթական անդունդը, կարող է դիտել Եվրախորհրդարանի երեկվա նիստը․ դա լիարժեք կերպով պատկերացնում է այն անդունդը, որտեղ այսօր գտնվում է Եվրոպական խորհրդարանի այդ քաղաքական հատվածը։ Մենք ականատես եղանք համադրությանը այն ամենի, ինչ բխում է Եվրոպայի մութ անցյալից։ Դա է ատելությունը, դա է քաղաքակրթական բարձրամտությունն ու գերազանցության դիրքից խոսելը, որի ականատեսն ենք եղել։ Դա է սուտը, քարոզչությունը, ապատեղեկատվությունը, որոնք հնչեցին Եվրոպական խորհրդարանի ամբիոնից», – նշել է Շալվա Պապուաշվիլին։
Նրա խոսքով՝ հիասթափություն կա ԵՄ ինստիտուտների նկատմամբ ինչպես Եվրոպական միության քաղաքացիների, այնպես էլ վրաց ժողովրդի շրջանում, որը ձգտում է ԵՄ անդամակցության և միաժամանակ հանդիսանում է եվրոպական արժեքների և քաղաքակրթության ստեղծող։
«Անշուշտ, սա ամենամեծ հիասթափությունն է, նախևառաջ ԵՄ քաղաքացիների համար, ովքեր տեսնում են, որ ԵՄ ինստիտուտները լիովին կտրվել են եվրոպացի ժողովուրդների ցանկություններից և ծառայում են միայն որոշ գաղտնի մանիպուլյատորների կողմից թելադրվող աշխարհաքաղաքական ու գլոբալիստական նպատակներին։ Երկրորդ՝ սա հիասթափություն է վրաց ժողովրդի համար, որը ոչ միայն ձգտում է անդամակցել ԵՄ-ին, այլ նաև ինքն է եվրոպական քաղաքակրթության և արժեքների համաստեղծողը։ Մենք՝ վրացիներս, տեսնում ենք, թե ինչպես է Բրյուսելը մեր աչքի առաջ քանդում եվրոպական քաղաքակրթությունը, և սա տեսնում ենք ոչ միայն մենք՝ այս մասին արդեն բարձրաձայն խոսում է նաև Ամերիկայի Միացյալ Նահանգները՝ Եվրոպայի անվտանգության գլխավոր երաշխավորը», – ասել է Շալվա Պապուաշվիլին։
