«Իսֆեդի» հետ կապված բացիկը մանիպուլյատիվ ու ապատեղեկատվական էր, ես խորհուրդ չեմ տա ԱՄՆ-ին մտնել այդ հարցով քննարկման մեջ, քանի որ դա պարտված քննարկում է,- ասել է Վրաստանի խորհրդարանի նախագահ Շալվա Պապուաշվիլին։

Պապուաշվիլիի խոսքով, USAID-ը գիտեր, որ «Իսֆեդը» զուգահեռ հաշվարկի կեղծ արդյունքներ էր տարածում և թաքցնում դա։

Մինչ օրս ԱՄՆ-ը չի հետաքննել ԱՄՆ պետական ​​կառույցների, մասնավորապես՝ USAID-ի դերը 2020 թվականի ընտրությունների զուգահեռ հաշվարկի արդյունքների տարածումը կոծկելու հարցում։ Այսօր արդեն հաստատ գիտենք, որ USAID-ը գիտեր, որ «Իսֆեդը» զուգահեռ հաշվարկի կեղծ արդյունքներ է տարածում և թաքցնում է մեզանից։ Նա թաքցրել է թե՛ իշխանությունից, թե՛ վրացական հասարակությունից։ Ուստի, ես խորհուրդ չեմ տա ԱՄՆ-ին այս տեսանկյունից մտնել այս հարցի քննարկման մեջ։ Եթե ​​ուզում են շոշափել «Իսֆեդի» և զուգահեռ հաշվարկի արդյունքները, խնդրում եմ, բարի եղեք և ասեք վրաց ժողովրդին՝ արդյոք USAID-ը գիտե՞ր, որ զուգահեռ հաշվարկի արդյունքները կեղծ են, և եթե գիտեր, ինչու էր թաքցնում։ Նաեւ՝ ԱՄՆ այն ժամանակվա դեսպանը գիտեր արդյո՞ք այդ մասին, թե ոչ, դա էլ ասեն հանրությանը: Այդ պատճառով մենք չենք կարող այդքան պարզ նայել այդ մանիպուլյացիաներին»,- ասել է Պապուաշվիլին։